കൂടാതെ 365 ദിവസവും തണുത്തുറഞ്ഞു കിടക്കുന്ന അല്‍പ്പാന്തര്‍ തടാകവും ഇവിടെ കാണാം.
ഗുല്‍മാര്‍ഗില്‍ നിന്ന് 16 കിലോ മീറ്ററേയുള്ളൂ പാകിസ്ഥാന്‍ അതിര്‍ത്തിയിലേക്ക്. അതുകൊണ്ട് പട്ടാളത്തിന്റെ സാന്നിധ്യം എവിടെയുമുണ്ട്. ഇവിടെയുള്ള മൌണ്ടനയറിങ് – സ്കീയിങ് ഇന്‍സ്റിറ്റ്യൂട്ടിലെ വിദ്യാര്‍ഥികളിലും ഏറെയും പട്ടാളക്കാരാണ്.
ലോകത്തില്‍ ഏറ്റവും ഉയരത്തിലുള്ള ഗോള്‍ഫ് കോഴ്സ് ഗുല്‍മാര്‍ഗിലാണ്. ഈ 18 ഹോള്‍ ഗോള്‍ഫ് കോഴ്സിന് 100 വര്‍ഷം പഴക്കമുണ്ട്. 110 വര്‍ഷം പഴക്കമുള്ള സെന്റ് മേരീസ് പള്ളിയാണ് മറ്റൊരു പ്രധാന കാഴ്ച.
സീസണില്‍ 20,000 കുതിരകളാണ് മലകയറാനായി വിനോദസഞ്ചാരികളെ കാത്തിരിക്കുന്നത്. എന്നാല്‍ കൊടും മഞ്ഞില്‍ കുതിരകള്‍ വിരലിലെണ്ണാവുന്നവ മാത്രം. ഇടയ്ക്കിടെ വീശിയടിക്കുന്ന ശീതക്കാറ്റും മൂടല്‍മഞ്ഞും മഞ്ഞുവീഴ്ചയും മൂലം സഞ്ചാരികള്‍ വൈകുന്നേരത്തോടെ ഗുല്‍മാര്‍ഗിനെ കൈയൊഴിയുന്നു. അവശേഷിക്കുന്ന വളരെക്കുറച്ച് വിനോദസഞ്ചാരികളിലൊരുവനായ ഞാന്‍ മഞ്ഞില്‍ തെന്നിവീഴാതെ ‘ഹട്ട’ ലക്ഷ്യമാക്കി നടന്നു.
ശ്രീനഗറിനു നടുവില്‍ ഉയര്‍ന്നു നില്‍ക്കുന്ന മലമുകളിലാണ് ആദിശങ്കരാചാര്യക്ഷേത്രം. ശ്രീനഗറില്‍ എവിടെ നിന്നുനോക്കിയാലും ഈ ക്ഷേത്രം ദൃശ്യമാണ്. 350 മീറ്റര്‍ ഉയരമുള്ള ഗോപദാരി എന്ന ഈ മലയുടെ മുകളിലേക്കുള്ള വളഞ്ഞുപുളഞ്ഞ പാതയില്‍ പ്രവേശിക്കാന്‍ പട്ടാളത്തിന്റെ കര്‍ശന പരിശോധനയ്ക്കു വിധേയനാകണം. പക്ഷേ മല കയറുന്തോറും മഞ്ഞില്‍ കുളിച്ചു നില്‍ക്കുന്ന ശ്രീനഗര്‍ ചുരുള്‍ നിവരുന്നു. അതിമനോഹരമായ കാഴ്ച.
വാഹനം നിര്‍ത്തി, ക്ഷേത്രത്തിലുള്ള ചെറുകുന്നിന്റെ പടവുകള്‍ കയറുംമുമ്പ് വീണ്ടും പരിശോധന. മൊബൈല്‍ ഫോണ്‍ പോലും കാറില്‍ ഉപേക്ഷിക്കണമെന്ന് ആജ്ഞ.  പടവുകള്‍ കയറി, മേലെ എത്തുമ്പോള്‍ കല്ലില്‍ തീര്‍ത്ത ചെറിയ ക്ഷേത്രം മഞ്ഞില്‍ കുളിച്ചു നില്‍ക്കുന്നത് അലൌകികമായ കാഴ്ചയാണ്. കശ്മീര്‍ താഴ്വരയിലെ ഏറ്റവും പഴക്കമുള്ള ഈ ക്ഷേത്രം ക്രിസ്തുവിനു മുമ്പ് 2629 ല്‍ നിര്‍മിച്ചതാണ്. ശിവനാണ് പ്രതിഷ്ഠ. എഡി  820 ല്‍ സമാധിയാകുന്നതിനു മുമ്പ്  എപ്പോഴോ കാലടിയില്‍ നിന്ന് ശങ്കരാചാര്യന്‍ ഈ ക്ഷേത്രനടയിലെത്തി, ക്ഷേത്രം സ്ഥിതി ചെയ്യുന്ന പാറക്കെട്ടിനുള്ളിലെ ചെറുഗുഹയില്‍ ധ്യാനനിരതനായി. അദ്ദേഹത്തിന് ബോധോദയം ലഭിച്ചതും ചതുര്‍ധാമ രൂപീകരണത്തിനുള്ള വെളിപാടു ലഭിച്ചതും ഇവിടെ നിന്നാണെന്നു പറയപ്പെടുന്നു.
ശങ്കരാചാര്യരുടെ  പാദസ്പര്‍ശമേറ്റ ഗുഹയിലേക്കുള്ള വാതിലിന് ഉയരം കുറവാണ്. തലകുനിച്ച് ഉള്ളില്‍ കയറുമ്പോള്‍ മറ്റേതോ ലോകത്ത് എത്തിയതുപോലെ. പുറത്തെ കൊടും തണുപ്പിലും ആ ചെറുമുറിയില്‍ നേര്‍ത്ത ചൂടുണ്ട്. ഏതാനും ഈശ്വരചിത്രങ്ങളും ഒരു പീഠവും മാത്രമാണ് ഉള്ളില്‍.
പൂജാദ്രവ്യങ്ങളുടെ നിര്‍മല ഗന്ധം. അങ്ങകലെ കേരളത്തിലെ ഒരു ചെറുഗ്രാമത്തില്‍ നിന്ന് ഇവിടെ നടന്നെത്തിയ ആ യുഗപ്രഭാവനെ ആരും മനസാനമിച്ചു പോകും.
ശ്രീനഗറെന്നു കേള്‍ക്കുമ്പോള്‍ ദാല്‍ തടാകം മനസില്‍ ഉണരാതിരിക്കില്ല. നാലുചുറ്റും കോട്ടമതില്‍പോലെയുള്ള മലകള്‍ക്കു നടുവില്‍ 18 ചതുരശ്ര  കിലോമീറ്റര്‍ വിസ്തീര്‍ണമുള്ള ദാല്‍ലേക്ക് പരന്നു കിടക്കുന്നു. വലിയ ഹൌസ് ബോട്ടുകളും ചെറിയ ഷിക്കാരകളും (കൊതുമ്പുവള്ളം) തിക്കിത്തിരക്കുന്ന ദാല്‍ തടാകത്തിന് നിരവധി ഉപകനാലുകളുമുണ്ട്. ഈ കനാലുകളുടെ ഇരുവശത്തും ചെറിയ ഷോപ്പുകളാണ്. ഷോപ്പുകളുടെ മുന്നില്‍ വള്ളമിറങ്ങി, ഷോപ്പിങ് നടത്താം.
വൈകുന്നേരമാണ് ദാല്‍തടാകത്തിലെത്തിയത്. ഒരു മണിക്കൂര്‍ റൌണ്ട് ട്രിപ്പിന് 300 രൂപ. തണുത്ത കാറ്റ് വീശുന്നുണ്ട്. ഷിക്കാരയില്‍ കയറി
യിരുന്നപ്പോള്‍ തുഴക്കാരന്‍  കളിമണ്ണില്‍ നിര്‍മിച്ച കനല്‍ എരിയുന്ന കുടം കൈയില്‍തന്നു. കൈ തണുക്കാതിരിക്കാനുള്ള മാര്‍ഗമാണിത്.
നേരം വൈകിയതുകൊണ്ട് തടാകത്തില്‍ ഏറെ ബോട്ടുകളൊന്നുമില്ല. കനാല്‍ ഇറമ്പിലെ ഷോപ്പുകളും അടച്ചു തുടങ്ങി. കനാല്‍ വഴികളിലെ ഫ്ളോട്ടിന് ഗാര്‍ഡന്‍, ഫ്ളോട്ടിങ് മാര്‍ക്ക് എന്നിവയെല്ലാം മഞ്ഞുവീഴ്ചമൂലം അടച്ചിട്ടിരിക്കുകയാണ്.
ദാല്‍തടാക യാത്ര ആസ്വദിക്കാന്‍ സീസണില്‍ത്തന്നെ വരണം.! തുഴക്കാരന്‍ പറഞ്ഞു. (കാശ്മീര്‍ യാത്ര തുടരും).

Our Sincere thanks to:
Mr. Anil puri (Crest Hyundai, Jammu),
Mr. Nazir Bhatt (Crest Hyundai, Srinagar),
Mr. Sanjay K. Pillai,
Ms, Devdatta Mulchandani,
Mr. Pankaj Tiwari (Hyundai motors India ltd.).

ഫോഴ്സ് വണ്‍
ദക്ഷിണ ചൈനയിലെ ഗുവാങ്ഡോങ് ഫോഡേ ഓട്ടോമൊബൈല്‍ കമ്പനിയുടെ എക്സ്പ്ളോറര്‍ 3 എന്ന മോഡലാണ് ഫോഴ്സ് വണ്ണിന്റെ അടിസ്ഥാനം. എന്നാല്‍ എക്സ്പ്ളോററിന്റെ ബോഡിപാനലുകള്‍ മാത്രമേ ഇറക്കുമതി ചെയ്യുന്നുള്ളൂ.  ആ പാനലുകള്‍, ഫോഴ്സ് മോട്ടോഴ്സ് സ്വന്തമായി വികസിപ്പിച്ചെടുത്ത ചേസിസില്‍ മധ്യപ്രദേശിലെ പിത്താംപൂരിലെ പ്ളാന്റില്‍ വെച്ച് സംയോജിപ്പിക്കുകയാണ് ചെയ്യുന്നത്. അതായത്, ചൈനീസെന്നു വിളിക്കാന്‍ ഫോഴ്സ് വണ്ണിന്റെ ബോഡി പാനലുകള്‍ മാത്രമേയുള്ളൂ എന്നു സാരം.
മറ്റ് രണ്ട് വിദേശ ബന്ധങ്ങള്‍ കൂടി ഫോഴ്സ് വണ്ണിനുണ്ട്. ഒന്ന്, എഞ്ചിന്റെ കാര്യത്തിലാണ്. അതേപ്പറ്റി പിന്നീട് വിശദീകരിക്കാം. അടുത്ത വിദേശ ബന്ധം ബ്രിട്ടനുമായിട്ടാണ്. ബ്രിട്ടനിലെ ലോട്ടസ് എഞ്ചിനീയറിംഗ് കമ്പനിയാണ് ഫോഴ്സ് വണ്ണിന്റെ ചേസിസും മറ്റും കുറ്റമറ്റതാക്കി മാറ്റിയത്. (സ്പോര്‍ട്സ് കാര്‍ നിര്‍മാണ കമ്പനിയാണ് ലോട്ടസ്).

കാഴ്ച
കാഴ്ചയിലൊരു ഫോര്‍ഡ് എന്‍ഡേവറാണ് ഫോഴ്സ് വണ്‍. രൂപം അത്ര ആധുനികമെന്നു പറഞ്ഞു കൂടാ. എന്നാല്‍ എസ്യുവികളുടെ വലിപ്പവും തലയെടുപ്പും ഫോഴ്സ് വണ്ണിനുണ്ട്.  വലിയ ഗ്രില്ലും വലിപ്പമുള്ള ഹെഡ്ലാമ്പും ഉയര്‍ന്ന ബോണറ്റും വളരെ വലിയ ബമ്പറും വശങ്ങളെ അപഹരിക്കുന്ന വീല്‍ ആര്‍ച്ചുമെല്ലാം ‘ഇവനൊരു എസ്യുവി തന്നെ’ എന്നു വിളിച്ചു പറയുന്നു.
വലിയ വിന്‍ഡോകളാണ് വശങ്ങളില്‍. വശങ്ങള്‍ക്കും പ്രത്യേകതയുള്ള ഡിസൈനൊന്നുമില്ല. പിന്‍ഭാഗവും അങ്ങനെതന്നെ. ഡിസൈന്‍ വൃത്തികേടാക്കിയിട്ടില്ല എന്നു മാത്രം.ബോഡി പാനലുകള്‍ക്ക് നല്ല നിലവാരമുണ്ട്. ഡോറുകളുടെ ഗ്യാപ്പുകള്‍ക്കും മറ്റും, ശ്രദ്ധയോടെ ഘടിപ്പിച്ചതു മൂലം കൃത്യതയുണ്ട്.

ഉള്ളില്‍
മഹീന്ദ്ര സ്കോര്‍പ്പിയോയെക്കാള്‍ 400 മി.മീ നീളവും 345 മി.മീ വീല്‍ ബെയ്സും കൂടുതലുണ്ട് ഫോഴ്സ് വണ്ണിന്. ഉള്ളില്‍ കടക്കുമ്പോള്‍ സ്ഥലസൌകര്യം കൂടുതല്‍ അനുഭവപ്പെടുന്നുമുണ്ട്. ഡാഷ് ബോര്‍ഡിന്റെ പ്ളാസ്റിക് ക്വാളിറ്റി മികച്ചതു തന്നെ. ബീജ്, ആഷ് നിറങ്ങളും തടിയുടെ ഫിനിഷുമാണ് ഡാഷ് ബോര്‍ഡിന്. സ്വിച്ചുകളും മറ്റും കയ്യെത്താവുന്ന പോലെ ഭംഗിയായി ഘടിപ്പിച്ചിട്ടുണ്ട്. സ്റിയറിങ് വീലില്‍ ഓഡിയോ – ക്രൂയിസ് കണ്‍ട്രോള്‍ സ്വിച്ചുകളുണ്ട്. മൂന്നു നിരസീറ്റുകള്‍. മൂന്നു നിരകള്‍ക്കും എസിവെന്റുണ്ട്. ട്രിപ്പ് കംമ്പ്യൂട്ടര്‍, ഇലക്ട്രിക്കലി ഫോള്‍ഡിങ് മിററുകള്‍, റിമോട്ട് ലോക്കിങ്, ഡേറ്റൈം റണ്ണിങ് ലൈറ്റുകള്‍, മികച്ച ഓഡിയോ സിസ്റം എന്നിവയും ഫോഴ്സ് വണ്ണിനുണ്ട്.

എഞ്ചിന്‍
മേര്‍സിഡസ് ബെന്‍സിന്റെ 2.2 ലിറ്റര്‍, ഇഎം 611 ഗണത്തില്‍പ്പെടുന്ന കോമണ്‍ റെയ്ല്‍ ഡീസല്‍ എഞ്ചിനാണ് ഫോഴ്സ് വണ്ണില്‍ ഘടിപ്പിച്ചിരിക്കുന്നത്. 139 ബിഎച്ച്പി എഞ്ചിനാണിത്. 32.6 കിഗ്രാം മീറ്ററാണ് മാക്സിമം ടോര്‍ക്ക്. ഈ യൂറോ 4 എഞ്ചിന്‍ ചലിക്കുന്നത് ബെന്‍സിന്റെ തന്നെ ജി 32 മാനുവല്‍ ഗിയര്‍ ബോക്സ് ഉപയോഗിച്ചാണ്. വളരെ റിഫൈന്‍ഡ് – സ്മൂത്ത് എഞ്ചിനാണിത്. 1500 ആര്‍പിഎം മുതല്‍ 4500 ആര്‍പിഎം വരെ പവര്‍ ഒട്ടും കുറയാതെ ഫോഴ്സ് വണ്‍ കുതിച്ചു പായും. ടര്‍ബോ ലാഗ് അനുഭവപ്പെടുന്നില്ലെന്നു തന്നെ പറയാം. ഗിയര്‍ ഷിഫ്റ്റ് അത്ര അനായാസമല്ല. പക്ഷേ പൊതുവേ എസ്യുവികളുടെ ഗിയര്‍ ഷിഫ്റ്റ് അങ്ങനെയാണല്ലോ എന്ന് ആശ്വസിക്കാം.

ഹാന്‍ഡിലിങ്
ലാഡര്‍ ഓണ്‍ ഫ്രെയിം ചേസിസാണ് ഫോഴ്സ് വണ്ണിന്. സസ്പെന്‍ഷനാകട്ടെ, മുന്നില്‍ ഇന്‍ഡിപെന്‍ഡന്റും പിന്നില്‍ നോണ്‍ ഇന്‍ഡിപ്പെന്‍ഡന്റും. 235/70 ടയറുകള്‍. ലോട്ടസ് എഞ്ചിനീയറിങ്ങിന്റെ ഗുണം കൊണ്ടാവാം, മികച്ച ഡ്രൈവബിലിറ്റിയും കുറഞ്ഞ ബോഡിറോളുമാണ് ഫോഴ്സ് വണ്ണിന്. വളരെ കോണ്‍ഫിഡെന്‍സ് നല്‍കുന്ന ഡ്രൈവ്. ഉള്ളില്‍ വളരെ പ്രസന്നമായ, വെളിച്ചം കടക്കുന്ന വിന്‍ഡോകള്‍ കൂടിയുള്ളതുകൊണ്ട് ഫോഴ്സ് വണ്ണിന്റെ ഡ്രൈവ് പ്രസാദാത്മക അനുഭവമാണ്.

ഒടുവില്‍
ആദ്യം പറഞ്ഞതുതന്നെയാണ് ഭരതവാക്യമായി പറയാനു
ള്ളത്. വിചാരിച്ചതിനേക്കാള്‍ നൂറുമടങ്ങ് മികച്ച വാഹനം. നല്ല എഞ്ചിന്‍, നല്ല ഇന്റീരിയര്‍, നല്ല നിര്‍മാണ നിലവാരം – വില
യാകട്ടെ അത്ര കുടുതലുമല്ല

കാഴ്ച
മുന്‍ ഡിസയറിന്റെ എച്ചു കെട്ടിയതുപോലെയുള്ള പിന്‍ഭാഗം പുതിയ ഡിസയറില്‍ അല്‍പമൊന്നുമെച്ചപ്പെട്ടിട്ടുണ്ട്. കുറേ കൂടി ബോഡിയുമായി ഇഴുകി ചേര്‍ന്നു നില്‍ക്കുന്നുണ്ട് പിന്‍ഭാഗം. എന്നാല്‍ ബൂട്ട് ലിഡിന്റെ രൂപത്തിന്  മാറ്റമൊന്നുമില്ലാത്തതിനാല്‍ പഴയ ഡിസയര്‍ ആണേന്നേ തോന്നൂ. പക്ഷേ ടെയ്ല്‍ ലാമ്പിന് രൂപമാറ്റം സംഭവിച്ചിട്ടുണ്ട്. അലോയ് വീലുകളുടെ രൂപവും മാറി, ‘മോഷന്‍ തീം’ ആയി. 3995 മി.മീറ്ററാണ് പുതിയ ഡിസയറിന്റെ നീളം. അതായത്, പഴയ മോഡലിനെക്കാള്‍ 165 മീ.മീ നീളം കുറവ്. അതുപോലെ ബൂട്ട്സ്പേസ് 400 ലിറ്ററായിരുന്നത് 319 ലിറ്ററായി കുറഞ്ഞു.എന്നാല്‍ വീല്‍ബെയ്സ് 40 മി.മീറ്ററും വീതി 5 മി.മീറ്ററും ഉയരം 25 മി. മീറ്ററും കൂടിയതുമൂലം ഉള്ളില്‍ ഒട്ടും സ്ഥലസൌകര്യം കുറഞ്ഞിട്ടില്ല എന്നതും എടുത്തു പറയാം. മുന്‍ഗ്രില്ലിന് രൂപമാറ്റം വന്നു. ബമ്പറിന്റെ ഡിസൈന്‍ മാറി. വലിയ എയര്‍ഡാമും ഫോഗ്ലാമ്പിനുള്ള വലിയ സ്ളോട്ടും വന്നു. പിന്‍ ക്വാര്‍ട്ടര്‍ ഗ്ളാസിന്റെയും രൂപത്തിന് മാറ്റമുണ്ട്. പിന്‍ഡോറുകള്‍ വലുതാവുകയും ചെയ്തു.
ഉള്‍ഭാഗം
ഉള്‍ഭാഗം പഴയ ഡിസയറിനു സമാനമാണ്. എന്നാല്‍ ഡാഷ്ബോര്‍ഡിന്റെയും ഡോര്‍ പാഡിന്റെയും താഴെ ബീജ് നിറമുള്ള പ്ളാസ്റിക് ഉപയോഗിച്ചിരിക്കുന്നതുകൊണ്ടും സീറ്റ് ഫാബ്രിക്കിന്റെ കടും നിറം മാറിയതുകൊണ്ടും ഉള്‍ഭാഗത്തിന് പ്രസന്നത കൂടിയിട്ടുണ്ട്.
പിന്‍സീറ്റിന് അഡ്ജസ്റബ്ള്‍ ഹെഡ് റെസ്റും ആം റെസ്റുമുണ്ട്.

 
എഞ്ചിന്‍
പഴയ ഡിസയറിന്റെ 1.2 ലിറ്റര്‍ പെട്രോള്‍, 1.3 ലിറ്റര്‍ ഡീസല്‍ എഞ്ചിനുകള്‍ പുതിയ സ്വിഫ്റ്റിലുമുണ്ട്. എന്നാല്‍ പെട്രോള്‍ എഞ്ചിന്‍ പുതിയ കെ സീരീസ് വേരിയബ്ള്‍ വാല്‍വ് ടൈമിങ്, ആയി മാറിയപ്പോള്‍ 2 ബിഎച്ച്പി പവര്‍ കൂടി. എന്നാല്‍ പെട്രോള്‍ മോഡലിന്റെ മൈലേജ് അല്‍പം വര്‍ധിച്ച് 19 കി.മീ/ലിറ്ററും ഡീസലിന്റേത് 23.4 കി.മീ/ലിറ്ററുമായി.  പുതിയ സ്വിഫ്റ്റിന്റെ സസ്പെന്‍ഷന്‍ തന്നെയാണ് പുതിയ ഡിസയറിനും. എന്നാല്‍ പിന്‍ഭാഗം നന്നായി ട്യൂണ്‍ ചെയ്തിട്ടുണ്ട്.

വില
ഈ മാസിക പുറത്തിറങ്ങുമ്പോഴേയ്ക്കും വില പ്രഖ്യാപിച്ചിട്ടുണ്ടാവും. വില കുറയാന്‍ സാധ്യതയില്ലന്നാണ് കേള്‍ക്കുന്നത് (പഴയ ഡിസയര്‍ ടാക്സി സെഗ്മെന്റിനായി നിലനിര്‍ത്തുമെന്നും കേള്‍ക്കുന്നു). അങ്ങനെയെങ്കില്‍ വിലകുറയ്ക്കാതെ, ബൂട്ട് സ്പേസ് കുറഞ്ഞ കാര്‍ കിട്ടും എന്നതാണ് ഉപഭോക്താവിനു ലഭിക്കുന്ന ‘മെച്ചം’ !

കൊല്ലം സബ് ജയിലിലെ അസി. സൂപ്രണ്ടായി വിരമിച്ചയാളാണ് മുഹമ്മദ് ഇക്ബാല്‍. താഴെ തട്ടില്‍ നിന്നായിരുന്നു ഇക്ബാലിന്റെ വളര്‍ച്ച. ഹെഡ് കോണ്‍സ്റബിളായി സര്‍വീസില്‍ പ്രവേശിച്ച നാളു മുതല്‍ റിട്ടയര്‍ ചെയ്യുന്നതു വരെയുള്ള കാലം കരുത്തുറ്റ അനുഭവങ്ങളുടേതു കൂടിയായിരുന്നു. അതുകൊണ്ടു തന്നെയാവണം മൂത്തപുത്രന്‍ അഹിനാസ്, ഇലക്ട്രോണിക്സ് എഞ്ചിനീയറിംഗിനു ശേഷം വീഡിയോ ഷോപ്പ് തുടങ്ങിയപ്പോള്‍ മറുത്തൊന്നും പറയാതിരുന്നത്. ചെറുതില്‍ നിന്നുള്ള വളര്‍ച്ചയുടെ ഉയരം ആ പിതാവ് എന്നേ മനസിലാക്കിക്കഴിഞ്ഞിരുന്നു.

പുതിയ വാതായനങ്ങള്‍
വീഡിയോ ഷോപ്പില്‍ നിന്നും കേരളത്തിലെ തന്നെ ഏറ്റവും വലിയ ടൂവീലര്‍ ഡീലര്‍ഷിപ്പായ ദിയ ഹീറോയുടെ അമരത്തേക്ക് എത്തിയ കഥ, മാനേജിംങ് ഡയറക്റ്റര്‍ എം. അഹിനാസിന്റെ വാക്കുകളിലൂടെ….
മക്കള്‍ 4 പേരും എന്തു ജോലി ചെയ്യുന്നതിനോടും മാതാപിതാക്കള്‍ക്ക് എതിര്‍പ്പില്ലായിരുന്നു. ആ മോറല്‍ സപ്പോര്‍ട്ടാണ് ഇന്ന് ഈ കാണുന്ന വിജയത്തിന് അടിസ്ഥാനം. ഉമ്മ നഫീസ ഗവ. സ്കൂളില്‍ ടീച്ചറായിരുന്നു. പുതിയതായി എന്തുകാര്യം ചെയ്താലും വ്യക്തമായ പ്ളാനിംഗോടു കൂടി വേണം എന്നു പഠിപ്പിച്ചത് ഉമ്മയാണ്.92 ലാണ് കൊല്ലത്തിനടുത്ത് വീഡിയോ ഷോപ്പ് തുടങ്ങിയത്. ഇലക്ട്രോണിക്സ് എഞ്ചിനീയറിംഗ് കഴിഞ്ഞിറങ്ങിയ സമയമായിരുന്നു. അന്നത്തെ സാഹചര്യത്തില്‍ വലിയ ഒരു ബിസിനസ് തുടങ്ങാന്‍ സാധിക്കുമായിരുന്നില്ല. ആ ചെറിയ തുടക്കം മോശമായില്ല. ബിസിനസ് വളര്‍ച്ചയുടെ പടവുകള്‍ കയറിത്തുടങ്ങിയപ്പോഴേക്കും 2003ല്‍ ടിവിഎസിന്റെ ഡീലര്‍ഷിപ്പിന്റെ ഓഫര്‍ ലഭിച്ചു. അതൊരു സബ് കോണ്‍ട്രാക്ട് ആയിരുന്നു. അതുകൊണ്ടുതന്നെ മറ്റൊരു മെയിന്‍ ഡീലര്‍ഷിപ്പിനായി അന്നേ ശ്രമം തുടങ്ങിയിരുന്നു. ടിവിഎസ് സബ് ഡീലര്‍ഷിപ്പിലുള്ള എക്സ്പീരിയന്‍സ്  മുന്‍നിറുത്തിയാവണം 2007 ല്‍ ഹീറോഹോണ്ടയുടെ ഡീലര്‍ഷിപ്പിനുള്ള അനുമതി ലഭിച്ചു. ഇന്ന് കൊല്ലത്ത് 70 ശതമാനത്തോളം മാര്‍ക്കറ്റ് ഷെയറുണ്ട് ദിയ ഹീറോയ്ക്ക്.

ഹീറോയും ഹോണ്ടയും
ഹീറോയും ഹോണ്ടയും തമ്മിലുള്ള ബന്ധം അവസാനിപ്പിച്ചപ്പോള്‍ ഹീറോ ഹോണ്ട, ഹീറോ മോട്ടോകോര്‍പ്പ് ആയി മാറി. ഹീറോയുടെ ആദ്യത്തെ ഓഫ്റോഡ് – ഓണ്‍റോഡ് ബൈക്കായ ഇംപള്‍സ് വിപണിയിലെത്തിക്കഴിഞ്ഞു. ദേശീയ കമ്പനി, എന്നൊരു വികാരമാണ് ഉപഭോക്താക്കള്‍ക്ക് ഹീറോയോടുള്ളത്. ടുവീലര്‍ സെഗ്മെന്റില്‍ രാജ്യത്താകമാനം ഏറ്റവും വലിയ നെറ്റ്വര്‍ക്ക് ഉള്ളതും ഹീറോ മോട്ടോകോര്‍പ്പിനാണ്. ജനങ്ങളുടെ വിശ്വാസ്യതയാണ് ഹീറോയുടെ കൈമുതല്‍.

ഹീറോയുടെ താരങ്ങള്‍
സ്പ്ളെന്‍ഡര്‍ മുതല്‍ ഇംപള്‍സ് വരെ പന്ത്രണ്ടോളം മോഡലുകള്‍ ഹീറോയുടെ ടുവീലര്‍ ശ്രേണിയെ സമ്പന്നമാക്കുന്നു. ഹീറോ മോട്ടോകോര്‍പ്പിന്റെ ആദ്യത്തെ പ്രോഡക്ടാണ് ഇംപള്‍സ്. ഹൈ ടോര്‍ക്ക് എടിഎഫ്ടി എന്‍ജിനാണ് ഇംപള്‍സിന്റെ ഹൈലൈറ്റ്. കൂടിയ ഗ്രൌണ്ട് ക്ളിയറന്‍സ് ഏതു കാനനപാതയിലൂടെയുള്ള റൈഡിംഗും സാധ്യമാക്കുന്നു. സ്പോര്‍ട്ടി ബൈക്കുകളോട് യുവത്വത്തിനുള്ള പ്രാ
മുഖ്യം കണക്കിലെടുത്താണ് ഇംപള്‍സിന്റെ ഡിസൈനിംഗ് നടത്തിയിരിക്കുന്നത്. ഇന്ത്യന്‍ വിപണിയില്‍ കൂടുതല്‍ ശക്തി പ്രാപിക്കാന്‍ ഇംപള്‍സ് ഹീറോയ്ക്ക് മുതല്‍ക്കൂട്ടാവും.

സര്‍വീസ് ശൃംഖല
ദിയ മോട്ടോഴ്സിന്റെ സര്‍വീസ് ഘടകങ്ങള്‍ അതിനൂതനവും തികച്ചും പ്രൊഫഷണലുമാണ്. സ്പെയര്‍ പാര്‍ട്സുകള്‍ക്കു മാത്രമായി ദിയ ഓട്ടോമൊബൈല്‍സ് എന്ന പേരില്‍ മറ്റൊരു ഷോറും കൂടി പ്രവര്‍ത്തിക്കുന്നുണ്ട്. മികച്ച ട്രെയ്നിംഗ് ലഭിച്ച ടെക്നീഷ്യന്മാരാണ് ദിയ ഹീറോയുടെ  ഓരോ വിഭാഗത്തിലുമുള്ളത്. മൊത്തം 160  ജീവനക്കാരുണ്ട്.ഉപഭോക്താക്കള്‍ക്ക് എപ്പോഴും മികച്ച സര്‍വീസ് നല്‍കാന്‍ ശ്രദ്ധിക്കാറുണ്ട്.  ദിയ ഹീറോയുടെ പ്രൊഫഷണല്‍ സമീപനം കൂടുതല്‍ ഉപഭോക്താക്കളെ ഞങ്ങളിലേക്ക് അടുപ്പിക്കുന്നു.

സെയില്‍സ് ഗ്രാഫ്
മാസം ആയിരത്തോളം ബൈക്കുകള്‍ വിപണനം ചെയ്യുന്നുണ്ട്. ഓരോ മാസവും മാര്‍ക്കറ്റ് ഷെയറിന്റെ ഗ്രാഫ് ഉയര്‍ത്തിക്കൊണ്ടുവരാന്‍ സാധിക്കുന്നുണ്ട്. 80 കോടിയാണ് ടേണോവര്‍.

ഭാവി പരിപാടികള്‍
ദിയ ഹീറോ കൂടുതല്‍ വിജയത്തിലേക്ക് എത്തിക്കുക എന്നതുതന്നെയാണ് പ്രഥമ ലക്ഷ്യം. കൂടുതല്‍ സെയില്‍സ്-സര്‍വീസ് ഔട്ട്ലെറ്റു
കള്‍ക്കായി ശ്രമിക്കും. ഫോര്‍വീലര്‍, വിഭാഗത്തില്‍ പുതിയ ഡീലര്‍ഷിപ്പിനായി ശ്രമം തുടരുന്നുണ്ട്. ടൊയോട്ടയും മഹീന്ദ്രയുമാണ് അന്തിമ ലിസ്റിലുള്ളത്.

കുടുംബം
ദിയ ഹീറോയുടെ പാര്‍ട്ണറാണ് ഭാര്യ ഷെറിന്‍. മൂത്തമകള്‍ ദിയ മൂന്നാം ക്ളാസിലും ഇളയമകന്‍ റിഷാം യുകെജിയിലും പഠിക്കുന്നു.